Páskaferðin í ár

 

Páskaeggin komin

Kósý horn í stofunni

 

Prjónadótið

 

Fullt af garni

 

Hekludótið

 

Og þá er allt í lagi þó að allir séu farnir á skíði upp í Hlíðafjall

 

Posted with Blogsy

Bleik verslunarferð

 

 

 

 

 

 

Hæ

Í gær þurfti ég að fara í bæinn með Birgittu til læknis. Amma var bara frammi að passa litla kút og leika við hann. Hann er svo góður og þægilegur, bara að leika og spjalla, yndislegur.

Eftir á fórum við svo í Föndru og ég keypti garn í mottu sem ég ætla að hekla. Liturinn sem ég ætlaði að kaupa var ekki til svo að ég keypti þá bara ljós bleikan, sem var ekki verra. Í þetta verkefni þurfti ég líka heklunál nr 12 og hvað haldið þið, hún var bleik. Ég var líka að leita af bleikum lit í púða sem ég hef hugsað mér að gera og fann garn sem ég hef notað áður og á nærri heila dokku af svo ég keypti eina.

Þegar ég var búin að skila Birgittu og litla kút og ég var á leiðinni heim þá stoppaði ég aðeins í Handprjón.is og þar fann ég svo bleikan lit í diskamottur ásamt mikið fleira dóttir sem ég sótti fyrir Handavinnuhúsið. Voða gaman að versla helling af garni en geta svo bara skilað því af mér.

Um kvöldið hittumst við svo í Handavinnuhúsinu til að sauma bútasaum. Þegar að ég kom sýndi Sísí mér svo að heklusettið sem að ég var að bíða eftir var komið og ég keypti það og getið þið hvað, það er bleikt. Ég veit ekki hvað var í gangi í gær en allt sem ég keypti var bleikt. Allavega þá saumaði ég saman dúk sem ég var búin að skera niður í. Þetta á að vera úti dúkur eða piknik dúkur og í hann notaði ég allskonar græna liti sem að ég átti. Það er svo gaman að gera eitthvað úr því sem að ég á í hillunum mínum og þarf ekkert að kaupa ;) (annars hefði hann sennilega endað bleikur ef að ég hefði keypt í hann í gær).

Bestu kveðjur úr Borgarfirðinum

 

Posted with Blogsy

Rólegir morgnar

 

 

 

 

Við vinkonurnar fórum á Löngumýri um síðustu helgi. Það var svo gaman, eins og venjulega. Kristrún og hennar konur eru alveg sérstakar og allt svo vel skipulagt og vel heppnað. Já og svo er bara alltaf svo mikið stuð á öllum. Við lærðum að sjálfsögðu alveg helling, fullt af litlum örnámskeiðum og allir að vinna einhver verkefni sem við hinar vildum sjá og læra líka.

Kristrún hefur líka alltaf gefið okkur einhverjar uppskriftir af einhverju skemmtilegu sem að við höfum auðvitað nýtt okkur. Einu sinni gaf hún okkur uppskrift af barna peysu sem er prjónuð að ofan, þ.e.a.s. byrjað að ofan. Ég keypti mér garn hjá henni um helgina í eina slíka peysu og varð auðvitað að byrja á henni, núna er peysan langt komin, en ég er ekki alveg viss hvað ég á að hafa hana langa. En það er í lagi því að ég er að fara á morgun að passa litla ömmukútinn minn og get þá mælt hvað ég á að gera mikið meira.

Annars er ég líka að reyna að klára ugluteppið mitt. Ég ætla að stækka það svolítið, eða um eina ugluröð, hafa semsagt 12 uglur í stað 9. Ég held að það verði fallegra í laginu og nýtist betur í vagn heldur en ef að ég hef bara 9 uglur þá er það ferkantað. En þá mundi það kanski nýtast betur ofan á barnastól ef að það er ferkantað. Svona er hægt að velta sér upp úr hlutunum alveg endalaust þangað til að maður kemst að einhverri niðurstöðu. Bara gaman.

Það er svo gaman að henni litlu kisu minni. Þegar að við erum að borða morgunmat þá liggur hún alltaf á mottunni í eldhúsinu og dormar á meðan við situm við eldhúsborðið. Svo þegar að Gunnar fer og ég sest inn í stofu með handavinnuna þá kemur hún og sefur annað hvort í glugganum eða á sófanum, en alltaf einhversstaðar rétt hjá mér þar sem að hún getur fylgst með mér. Þetta er yndislegt og gefur manni svo mikið að hafa þetta litla skott hjá okkur.

Síðasta myndin er af okkur vinkonunum í múderingunni okkar, svona komum við fram á föstudagskvöldinu. Þegar að við förum á Löngumýri gerum við alltaf eitthvað nýtt alveg gasalega smart ;) og skörtum því svo öllu saman í einhverjum fíflaskap.

Bestu kveðjur úr Borgarfirðinum

 

Posted with Blogsy

Amma að passa lítinn kút

 

Núna er amma stödd í Njarðvíkunum að passa litla prinsinn sinn á meðan mamman er verknámi í Millubakkaskóla. Þetta er nú ekki erfitt verk fyrir ömmu svona fyrst því að hann er að horfa á eitthvað sem heitir jo gabba gabba. ;)

Annars er ég nú bara að prófa nýtt app og það virðist vera að virka ansi vel.

Takk Hellen fyrir að segja mér frá þessu. ;)

Bestu kveðjur

 

Posted with Blogsy

Hæ
Nú er ég stödd í Virginia Beach hjá dóttir minni og barnabörnum. Ég var að fá nýtt leikfang (iPad) og er að leika mér við það :)
Ég hef ekki verið að skrifa neitt hérna undanfarið en nú á að verða breiting á því.
Það er alltaf eitthvað í gangi hjá mér bæði á prjónunum, hekla og sauma. Núna er ég til dæmis að prjóna peysu á mig í hvítum lopa og kittens mohair með bleikum röndum, hún verður ótrúlega flott. Svo er ég að hekla blómapúða og sauma löbera handa stelpunum mínum. Nóg að gera hérna hjá mér ;)

Ég var að gera þennan púða með tölunum. Ég sá hann á síðunni hennar Miu á Mias Landliv og fannst hann svo flottur að ég keypti bómullargarn í RL búðinni sem er virkilega skemmtilegt garn að vinna með. Þegar ég fór til að taka mynd af þessu þá fann ég litlu kisu sofandi í rúminu og það fór líka svona vel um hana. ;) Hún er svo yndisleg.

Þetta teppi gerði ég í sumar þegar við vorum í berjatýnslu vegna þess að ég átti að kenna ömmuferninga á námskeiði hjá Mimi í R-vík. Það kom mjög vel út og ég er ánægð með það. Það besta er líka að það var gert úr afgöngum af garni sem að ég átti og það er alltaf svo gaman. Hugmyndina fékk ég hjá Ruts datter, en ég gerði öðruvísi ferninga en hún.

Það er alltaf svo gaman þegar að hlutirnir heppnast vel og notaðir eru afgangar. Ég hafði hugsað mér að gera litina í ferningunum algerlega óplanaða og grípa bara einhvern lit, en það er ekki svo auðvelt. Ég var alltaf komin í einhverja samsetningu áður en ég vissi af.

Bestu kveðjur

Edda Soffía 

Nokkrir flottir

Um helgina fór ég á Löngumýri í bútasaum hjá Quiltbúðinni. Það var að sjálfsögðu mikið fjör og mikið saumað. Ég gerði mér þrjá dúka sem að ég var mikið búin að hugsa um og ætlaði að vera búin að sauma fyrir sumarið. ;) En nú eru þeir semsagt búnir og ég svona líka ánægð með þá.

Fyrst er hérna haustdúkur í fallegum mildum haustlitum og svo gerði ég laufblöð í vélinni sem að gerðu svo mikið fyrir þennan annars einfalda dúk.

Þá kom vordúkurinn í fallegum pastellitum. Ég var búin að sauma saman litlu ferningana og teiknaði munstrið sam að ég applikeraði svo á endana. Ég fór til Guðfinnu í Virku á námskeið í vor og varð að nota það sem að ég lærði hjá henni. 

Nærmynd af munstrinu og þarna sést líka í blúnduna og borðann.

Sumardúkur með skemmtilegu jarðaberjamunstri

Nærmynd.

Ég gerði líka meira en það koma myndir af því seinna.

kv Edda Soffía