Ég var að gera þennan púða með tölunum. Ég sá hann á síðunni hennar Miu á Mias Landliv og fannst hann svo flottur að ég keypti bómullargarn í RL búðinni sem er virkilega skemmtilegt garn að vinna með. Þegar ég fór til að taka mynd af þessu þá fann ég litlu kisu sofandi í rúminu og það fór líka svona vel um hana. ;) Hún er svo yndisleg.

Þetta teppi gerði ég í sumar þegar við vorum í berjatýnslu vegna þess að ég átti að kenna ömmuferninga á námskeiði hjá Mimi í R-vík. Það kom mjög vel út og ég er ánægð með það. Það besta er líka að það var gert úr afgöngum af garni sem að ég átti og það er alltaf svo gaman. Hugmyndina fékk ég hjá Ruts datter, en ég gerði öðruvísi ferninga en hún.

Það er alltaf svo gaman þegar að hlutirnir heppnast vel og notaðir eru afgangar. Ég hafði hugsað mér að gera litina í ferningunum algerlega óplanaða og grípa bara einhvern lit, en það er ekki svo auðvelt. Ég var alltaf komin í einhverja samsetningu áður en ég vissi af.

Bestu kveðjur

Edda Soffía 

Nokkrir flottir

Um helgina fór ég á Löngumýri í bútasaum hjá Quiltbúðinni. Það var að sjálfsögðu mikið fjör og mikið saumað. Ég gerði mér þrjá dúka sem að ég var mikið búin að hugsa um og ætlaði að vera búin að sauma fyrir sumarið. ;) En nú eru þeir semsagt búnir og ég svona líka ánægð með þá.

Fyrst er hérna haustdúkur í fallegum mildum haustlitum og svo gerði ég laufblöð í vélinni sem að gerðu svo mikið fyrir þennan annars einfalda dúk.

Þá kom vordúkurinn í fallegum pastellitum. Ég var búin að sauma saman litlu ferningana og teiknaði munstrið sam að ég applikeraði svo á endana. Ég fór til Guðfinnu í Virku á námskeið í vor og varð að nota það sem að ég lærði hjá henni. 

Nærmynd af munstrinu og þarna sést líka í blúnduna og borðann.

Sumardúkur með skemmtilegu jarðaberjamunstri

Nærmynd.

Ég gerði líka meira en það koma myndir af því seinna.

kv Edda Soffía

Taskan góða

 Í vor gerði ég þessa tösku úr 2 1/2 tommu ljósum renningum og uppskrift frá Guðrúnu Erlu.  Þessi taska er búin að vera með mér í allt sumar þar sem hún er svo stór og rúmgóð og tekur við ÖLLU mínu prjónadóti og meira til. ;)

 Ég var að reina að taka myndir af henni rétt eftir að ég gerði hana en Myndirnar komu ekki mjög vel út, svo að ég skellti þeim bara öllum inn.

Ég gerði svona tösku handa henni Helgu minni fyrir jólin í fyrra og sagði henni að þetta væri strandartaska, því að hún býr nú rétt hjá ströndinni. Ég veit svo ekki hvort að hún hefur notað hana eins mikið og ég nota mína, en hún er æði.

Taskan er full af hjörtunum sem að ég gerði á sama tíma ;) Varð að troða einhverju í hana svo að hún stæði. 

Bestu kveðjur

Edda

Nú er ég komin

Jæja nú er ég komin aftur, eða eigum við að segja að macinn minn er kominn aftur til mín eftir miklar viðgerðir. Gott að vera búin að fá hann aftur. ;)

Ég er ein af þeim sem verður alltaf að vera að gera einhverja handavinnu og því er allt heimilið skreytt með einhverju handunnu. þessi hjörtu gerði ég eftir einhverju sem ég sá á netinu í vor, Þau eru algjört æði eftir að ég kláraði þau og hanga um allt hús. 

Við mæðgurnar (3) fluttum í hús mannsins míns fyrir nokkrum árum og því þurfti að sameina húsgögn og punterí sem var allt í lagi og hefur gengið bara vel. Dóttir minni ofbauð nú sammt þegar að ég var að setja upp þessi hjörtu um allt hús og sagði við mig „mamma hvað ertu búin að gera við húsið hans GG, þú ert búin að taka allt matco í burtu og gera allt mjúkt og dúllulegt“. Þetta fanst mér alveg ferlega sniðugt hjá henni. Svo kom dóttir hans og sagði að það hafði orðið krúttsprengja í húsinu hans pabba. Algjörar dúllur.

PS. ég var svo ánægð í dag þegar að ég uppgörtaði að mitt uppáhalds blogg er opið aftur. Hún heitir Mia og ég setti linkinn hérna til hliðar. Endilega kíkið á hana, hún er með frábært blogg.

Halló

Halló og velkomin á þessa síðu.

Ég er fimmtug húsmóðir í litlu bæjarfélagi úti á landi. Mín aðaláhugamál er handavinna og því er ég með aðra síðu sem ég hef verið að setja inn það sem ég hef verið að gera. Hérna ætla ég að setja inn allt mögulegt sem að ég hef áhuga á þá stundina og því verður þetta mjög blandað blogg.

Núna er til dæmis komið vor og ég á fullu í garðinum mínum og að undirbúa garð sem að ég á hérna upp í sveit. Þar verður grænmetisgarðurinn og eins ætla ég að setja niður alls konar tré sem að mér finnst falleg. Í sumar fæ ég svo tvö eplatré sem að ég er voða spennt fyrir. Við erum með góða aðstöðu þarna og þetta er ekki nema 15 mín keyrsla frá heimilinu okkar.

Þessa dagana er ég alveg að tapa mér yfir öllum hvítu bloggunum sem ég er að finna. Ég er og hef alltaf frá því að ég sá þetta fyrst fyrir mörgum árum í ameríska sjónvarpinu verið voða hrifin af þessum stíl og var með nokkuð ljóst heimili þegar að ég var ein með stelpurnar mínar eftir að ég skildi við fyrri manninn minn. Núverandi sambýlismaður er ekki svo hrifinn af svona stíl svo að það verða að vera litir hérna hjá okkur ;)  Ég hef alltaf verið alveg rosalega hrifin af bleikum lit og því er hann ráðandi í okkar húsi og blandaður með hvítu eða ljósu þá gerist það ekki fallegra í mínum augum.

Hérna er flassið á og engin stemming

Ekkert flass og svaka góð stemming

Nýi dúkurinn minn og kertaljós

Um daginn var ég í stofunni að prjóna með kertaljós og kósý hjá mér ein heima, þegar að mér datt í hug að reyna að ná þessu á mynd. Það er bara svo skrítið að það næst ekki stemmingin sem ég fann fyrir. En svona er borðstofan hjá okkur. Ég elska kertaljós og kósý stemmingu.

Eigið gott kvöld
kv Soffía